Umsóknarfreistin til kvotu 2 er á midnátt
Ert tú til reiðar? Á midnátt 15. apríl er umsóknarfreist at søkja um lestrarpláss á okkara universiteti gjøgnum kvotu 2
So er stundin komin.
Umsóknarfreistin fyri kvotu 2 til okkara 25 universitetsútbúgvingar á altjóða stigi nærkast. Hon er á midnátt 15. apríl.
Á Setrinum eru vit umleið 1000 lesandi, og hjá okkum fært tú einastandandi møguleika at tryggja tínar framtíðardreymar, tí her kanst tú løða tín egna áhuga við serkunnleika.
Okkara universitet letur dyrnar upp fyri tær, sum vilt hava meira enn bara eina útbúgving. Vit bjóða eina menningarferð, har tú á øllum stigum hvessir tínar førleikar, bæði sum menniskja og sum spírandi fakfólk.
Tá tú søkir gjøgnum kvotu 2, kunnu allir tínir førleikar telja við. Tíni skúlaprógv, tínar arbeiðsroyndir, títt frítíðarvirksemi og tín motivatión. Men skjalprógv skulu til.
Les meira um, hvussu tú fært tína kvotu2-umsókn ordiliga góða her.
Ert tú í iva, um tú skalt søkja gjøgnum kvotu 2 ella 1, les so meira her.
Vilt tú vaksa fakliga og persónliga, send so okkum eina umsókn áðrenn 15. apríl.
- 07.05.2024 Setrið Søgu- og samfelagsdeildinFrá revsilóg á føroyskum til føroyska revsilógAlmenn og ókeypis ráðstevna verður um revsilóg í Kongshøl...
- 06.05.2024 Setrið Søgu- og samfelagsdeildinVæl staðin ph.d.-verja hjá Sigri M. GaïniSeinnapartin vardi Sigri M. Gaïni ph.d.-ritgerð sína, sum...
- 03.05.2024 Setrið LestrarskrivstovanOpið hús: Hvør útbúgving hóskar til tín?7. mai klokkan 16 verður opið hús í Kongshøll, har tínir...